Сізді және сіздің балаңызды мектеп өмірінің басталуы сияқты маңызды оқиғамен құттықтаймыз! Мектеп уақыты-ең жарқын және қызықты кезеңдердің бірі. Бұл сіздің балаңыз үшін оңай және жемісті болсын! Бастауыш білім берудің жалпы білім беретін оқу бағдарламаларын іске асыратын білім беру ұйымдарының бірінші сыныбына түсетін баланың ата-анасынан немесе өзге де заңды өкілдерінен құжаттарды қабылдау ағымдағы күнтізбелік жылдың 1 сәуірінен 1 тамызына дейін жүргізіледі. Тиісті мемлекеттік органдар шектеу іс-шараларын жүзеге асырған, төтенше жағдай енгізілген, белгілі бір аумақта әлеуметтік, табиғи және техногендік сипаттағы төтенше жағдайлар туындаған жағдайларда білім беру ұйымдарының бірінші сыныбына құжаттарды қабылдау ағымдағы жылдың 20 тамызынан кешіктірілмей жүргізіледі.